قبل ماتشتري ريسيفر لازم تعرف انت محتاج ايه وهل الريسيفر هيقدر يقدملك الخدمه اللي انت محتاجها ولا هتجيب جهاز وهتتعب
تعالوا نتعرف علي الاجهزه والمعالج الخاص بها.
وفي المقال ده شرح بطريقة مميزة من المهندس / احمد عز العالمي عن انواع الاجهزة المتاحة في السوق المصري وشمال افريقيا في الفئة المتوسطة او الاقل من المتوسط من الاجهزة اللتب تلبي الغرض من الاستقبال مع الميزات المختلفة من iptv وقنوات صوتية رياضية تبث التعليق العربي للمباريات.
قد يفيدك:
- فيديو تقرير عن نظام وسيرفر ال UTv وطريقه تشغيله واصحاب الفكره
- حصريا و تقرير خاص عن بطوله كوبا امريكا والقنوات الناقله
- تقرير خاص بالقنوات الناقله لكأس الامم الاوروبيه
- اظبط هذا التردد بأعلى إشارة ممكنة هيظبط معاك قمر النايلسات كله
- تحميل تطبيق Yacine TV افضل تطبيق لمشاهدة المباريات مجانا
- تقرير: جميع القنوات الرياضيه التي تعمل شيرنج علي كل الاقمار وحقوق البث والاستقبال
- جميع ترددات واسماء القنوات المصريه في القمر نايل سات
- تحميل برنامج هيين Hein 6.2 اخر اصدار
انواع اجهزة الريسفر متوسطة التكلفة في السوق المحلي
اجهزه الGx والتي تحمل سيرفر الفور ايفر
ناس كتير بتروح تشتري اجهزه خاصه بسيرفر الفور ايفر نظرا لشعبيته في مصر وشمال افريقيا . وللاسف ناس كتير متعرفش ان زي مافي اجهزه ممتازه لسيرفر الفور في اجهزه اسؤ مما تتخيل وهي دي اللي بتنزل عندنا مصر وطبعا مش كل اللي بينزل سئ بس اغلبها طبعا
يعني هديك مثال الاجهزه الحديثه في السوق المصري معالج GX 6605H. GX 6621 ودول يعتبر اقل معالج في الاجهزه الحامله لسيرفر الفور ايفر مثل h8mine.h9 كيوماكس وسيناتور 3030 وجوكر وغيرها من الاجهزه في السوق تجربت الاجهزه ليست بالعمليه ولكنها ترضي العميل احيانا والافضل بها هو سيرفر الفور ايفر وسيرفر ال iptv الخاص بالمستورد .
اما بخصوص الهرد وير فاهو ضعيف جدا وده هتلاحظه في سخونه الاجهزه والتهنيج في بعض الاحيان وتقطيع في الاشاره علي بعض الاجهزه
ده غير كمان ان جميع الاجهزه او التي تحمل المعالج المذكور بها مشاكل عديده بسبب ضعفها والتعامل مع سيرفر الفور ايفر والفريق بنفسه اعلن في وقت سابق عن مشاكل عديده في السيرفر الاقل فئه الخاص به وهو سيرفر الفور ايفرايفر se المتواجد علي اجهزه ال Gx المذكوره ده غير ان كل يوم سوفت يحل مشكله ويظهر مشكله يعني الموضوع مش كتر سوفتات انت عايز سوفت مستقر فقط . وحاليا السوفتات الاخيره حلت بعض المشاكل
اما بخصوص التيونر فاهو يؤدي بشكل ممتاز خصوصا في استقبال الترددات الضعيفه وترددات الفيدات
علي قد ما اسم الاجهزه تحمل سيرفر الفور ايفر ولكنها غير مرضيه خصوصا القنوات الصوتيه الضعيفه في سيرفر الفور ايفر الغير مستقره في اغلب الاوقات بالاضافه لعدم حمايه القنوات الصوتيه من الفور ايفر يعني علي سبيل المثال القنوات الصوتيه في اجهزه الصن بلص داكي هي نفس القنوات الصوتيه في سيرفر الفور وبيتم سرقتها من الفور ايفر بالاضافه الي ان القنوات الصوتيه اعاده بث بها متأخر جدا ويصل في بعض الاوقات الي دقيقه وهو مايصعب علي المستخدم عمل تايم شيفت لمشاهده المباريات بالتعليق العربي
السيرفر الفور علي قد انه عالمي في فتح الباقات العالميه الا انه في الفتره الاخيره غير مستقر علي معظم الاقمار بالاضافه انه لايقدم باقات حصريه مؤثره حاليا
المميزات فقط في الاجهزه دي وفي بعض الشركات بتدعم اجهزتها بالسيرفر الخاص بها سيرفر iptv يعني علي سبيل المثال اجهزه جوكر بيتم دعمها بسيرفر اورنج iptv واجهزه سيناتور بيتم دعمها بسيرفر الفا iptv واجهزه هايبر بيتم دعمها بسيرفر mh
نفس الحال للصوتيات بيتم دعمها للجهاز من قبل المستورد وكل صوتيات خاصه بالمستورد بالاضافه لصوتيات المصنع
يعني لو حضرتك هتجيب جهاز وعايز تعمل تايم شيفت علي الاقمار الاجنبيه فا ابتعد عن اجهزه كيوماكس لانها تحمل مصدر صوتي واحد وبعض الاوقات مش هتعرف تعمل تايم شيفت وهيغلبك . او الاتجاه لأي من الاجهزه التي تحمل اكتر من مصدر صوتي خاص بها وافضلها صوتيات سيناتور وهايبر واورنج في بعض الاحيان بعد التجربه كل اجهزه ذات المعالج
اما بخصوص ال iptv الخاص بكل شركه فيحصل سيرفرmh علي وسام الافضل بلا منازع في كل اجهزه المعالج بسبب ثابته خصوصا علي النت الضعيف والاسؤ من وجهة نظري كل iptv علي باقي الاجهزه وهي عباره عن سوق وليس iptv
اسعار اجهزه المعالج تترواح مابين 450 الي 550 جنيه
طبعا في اجهزه حامله لسيرفر الفور ايفر ولكن المعالج اقوي بالكثير من المعالجات السابقه وعلي سبيل المثال المعالج gx 6628 وبتواجد علي اجهزه كيوماكس h7 وستار سات اكستريم وستار تراك وغيرها
المعالج يؤدي اداء ممتاز من حيث الثبات بالسيرفر والهرد وير المحترم والتيونر العالي الجوده لاستقبال الفيدات ولكن كذلك يعيبه القنوات الصوتيه ولابد من اعاده النظر بها
اسعار اجهزه المعالج تبدء سعرها من 1000 حتي 1600
اجهزه الفانيلا الصن بلص
اجهزه الفانيلا متوجده في السوق المصري منذ فتره طويله ولكن الاتجاه في السوق المصري كان بعيد عنها كل البعد بسبب السيرفر الفانيلا الضعيف في وقتها وكان كل الاتجاهات تصب في مصلحه الصن بلص داكي
ولكن بعد تطوير السيرفر في الاونه الاخيره وظهوره من جديد علي بعض الاجهزه اعاده العميل لشراء الاجهزه بعد تطوير السيرفر واطلاقه علي اجهزه جديده تحمل اسم سيرفر فونيكس وهو سيرفر الفانيلا ولكن بتطوير كبير
اجهزه الفانيلا في السوق المصري متواجده بأصدارين الاصدار الاول للاجهزه مثل دريمر h10 وام تك 300 وغيرها وهي تحمل بورده صغيره بعض الشئ وتؤدي اداء جيد جدا والاجهزه الحامله لسيرفر الفونيكس وتحمل بورده اكبر بعض الشئ وتؤدي اداء مميز جدا
مصنع فانيلا افضل مصنع في العالم حاليا من حيث القنوات الصوتيه يعمل بنظام عالمي وثبات غير عادي ومستقر جدا للقنوات الصوتيه وهاالخاصيه من اهم المميزات للعميل لانك ستشاهد اي مباره بالتعليق العربي بدون اي مشاكل او تقطيع ويعتبر مصدر الصوت الافضل في الاجهزه بلا منازع في الفئه المتوسطه
تجربه سيرفرات ال iptv علي اجهزه الفانيلا والاصدارات الجديده خصوصا تجربه ممتازه وتعمل بدون اي مشاكل خصوصا انها تدعم نظام السيرفر الجديد UTv ومن خلال تقدر تشاهد المحتوي حسب سرعه النت لديك
من عيوب اجهزه الفانيلا تحديدا Xtream او السيرفرات المدفوعه iptv كان في المجمل ال xtream قليل جدا في حموله ال iptv وكان اقصي استيعاب له 1600 قناه ولكن تم حل المشكله في سوفتات الاجهزه الجديده ولكن في بعض الاجهزه التي لايوجد بها اي دعم المشكله مستمره حتي الان . يعني بالبلدي كده كل قنوات iptv اللي في السيرفر مش هتظهر عندك وطبعا الكلام للاجهزه القديمه فقط
عيوب اجهزه الفانيلا لابد من وضع سيرفر مدفوع بجانب السيرفر الرئيسي الخاص بالجهاز سيرفر الفانيلا بيعتمد اعتماده الكلي علي الباقات الفرنسيه وهي ثابته جدا ولكن في القمر اموس سئ وقليل في فتح باقي الاقمار علشان كده لازم تضيف سيرفر مدفوع بجانب سيرفر الجهاز
اسعار اجهزه الفانيلا تبدء من 225 جنيه للاجهزه بدون سيرفرات iptv اما الاجهزه التي تحمل سيرفر iptv فاتبدء من 400 الي 550
اجهزه الصن بلص داكي
اجهزه الصن بلص داكي يعتبر هي رقم 1 في السوق المصري للمستوردين في الفتره الماضيه
ومين فينا معندهوش جهاز صن بلص فلاشه 8 في بيته
اجهزه الصن بلص تعتبر الاشهر في السوق المصري الفتره الماضيه ولكن بسبب قله الدعم كان اتجاه بعض المستوردين اتجاه لمصانع اخري ولكن للاسف اتجاهم كان للمصانع الاسوء
اجهزه الصن بلص تؤدي اداءآ ممتاز في كل شئ ماعدا القنوات الصوتيه
القنوات الصوتيه في اجهزه الصن بلص تعتمد علي مصادر مسروقه كما ذكرت في اول البوست سرقه مصادر القنوات الخاصه بسيرفر الفور ايفر وهي سبب رئيسي في اتجاه بعض المستخدمين لشراء اجهزه بمعالج مختلف
ولكن في الاونه الاخيره ظهرت مصادر خاصه ببعض المستوردين وتم دعمها لأجهزتها ولكن عدد بالقليل جدا مستورد او اتنين تحديدا اما باقي الاجهزه والتي يترواح عددها اكتر من 45 موديل في السوق المصري تعتمد علي الصوتيات المسروقه
اجهزه الصن بلص الداكي كامعالج محترمه جدا ولكن بعض الانواع . يعني هتلاقي اكتر من بورده في السوق والاختلاف بيكون في حاجات بسيطه . وتؤدي اداءآ ممتاز جدا علي سيرفرات iptv المدفوعه والمجانيه ومايفضلها انها تحمل سيرفر xtream كامل بدون اي مشاكل
اجهزه الصن بلص داكي كاجهاز ممتازه جدا ولكن يعيبه الدعم السئ وفي حاله دعم الاجهزه من قبل المستوردين وعمل قنوات صوتيه خاصه سيكون لها نقطه تحول في السوق المصري من جديد . وفعلا ظهر في الاونه الاخيره اجهزه بدون ذكر اسمها يوجد بها مصادر صوت خاصه تبث من مصر وتعمل بشكل ممتاز جدا
اجهزه الداكي تبدء من 200 بدون ايبي او بأيبي سئ والاجهزه المحترمه تبدء من ٤٥٠ الي 550
اجهزه_السالك الحامله لسيرفر الفان كام
يعتبر اجهزه السالك من ارخص الاجهزه في السوق المصري ولا يتعدي سعرها ال 220 جنيه . ومن مميزاتها انها تحمل سيرفر الفان كام الابن الاصغر للفور ايفر وتعمل عليها الباقات الفرنسيه علي قمر استرا بثبات تام
ولكن كما يقال الحلو ميكملش الاجهزه داعمه للقنوات الصوتيه ولكن قليله جدا في التايم شيفت والذي لايتعدي ال ٣ ثواني فعلي وطبعا دي مشكله لانك باليلدي مش هتعرف تعمل تايم شيفت في مباريات كثيره
في بعض الاحيان التايم شيفت لايتعدي الثانيه الوحده علي قمر استرا 19 ولكنها غير مضمونه
خلاصه الاجهزه دي لو عايز تجيب جهاز يمشي معاك الدنيا وتتفرج علي ماتش افريقي او ماتش اجنبي بس الصوت العربي فيها مش مضمون
اما بخصوص الهرد وير فاحدث ولاحرج سئ جدا ولكن للأمانه تيونر الجهاز ممتاز جدا جدا في استقبال الترددات الضعيفه والفيدات
الخلاصه نجيب ايه ؟
اول حاجه هتدور عليها في البوست دور علي الدعم وهو فعلا ده اهم حاجه ممكن من جهاز امكانيته محدوده بدعمه يكون افضل من اجهزه اعلي واغلي
وجهة نظري كا احمد هقول ان اجهزه الفانيلا والداكي الافضل من حيث الهرد وير واقل مشاكل من اجهزه ال gx ولكن ال GX يتفوق عليهم في جوده الصوره
وطبعا مش بقول علي كل اجهزه ال Gx علشان الناس متفكرش غلط انا بقول افضل من الاجهزه المذكوره في اول البوست صاحبه المعالج GX6605H. GX 6621. والناس اللي مش فاهمه سيرفر الفور ايفر كاباقاته مغطي علي مشاكل الاجهزه . لكن لو الاهم عندك الرياضه يبقي هتدور علي الاجهزه الافضل الداعمه للقنوات الصوتيه والايبي المحترم
لو محتاج جهاز فيه iptv او ان الخاصيه مهمه ليك يبقي ابتعد عن اي جهاز GX وخليك في اجهزه الداكي والفانيلا
ولو محتاج جهاز القنوات الصوتيه مهمه ليك يبقي خليك في اجهزه الفانيلا
ولو محتاح جهاز بيفتح اقمار كتير وباقات حصريه يبقي خليك في ال GX وافضلهم الهايبر والسيناتور والجوكر
دي الخلاصه تقدر تركز وتشوف انت محتاج ايه ومتروحش تجيب اي جهاز والسلام
بالنسبه لأي مستورد لو زعلان فااخبط دماغك في الحيط انا بقول اللي يخلص ضميري وكله بالتجارب
التقرير_القادم عن اجهزه 4k
يارب يكون التقرير عجبكم . تحياتي احمدعز
قد بهمك ايضآ:
- موقع radio garden للأستماع لمحطات الراديو في جميع انحاء العالم
- الفرق بين الشبكات الرقميه و شبكات الانالوج
- موقع لمشاهدة قنوات النايل سات بشكل مجانى بدون تقطيع
- شرح البث الإذاعى الرقمى (DAB+)
- شرح مفصل لقناه الجزائريه الارضيه
- لماذا قناه تايم سبورت HD على البث الارضى صورتها وحشه ولا تقارن باى قناه HD حقيقيه
- تقرير عن الشيرنج والادوات المستخدمة لأستقباله
- افضل موقع للحصول علي سيرفر iptv مجاني 2021