- مبدأيا هى ازاى اسمها ارضيه وازاى موجوده على النايل سات ده إلى هنعرفه فى المقال.
- اولا عشان نفهم وجودها لازم نفهم البث الارضى بيشتغل ازاى والى هوا عكس الفضائي تمامآ .
- مبدئيا البث الارضى بيتكون من عدد من المواقع متوزعه على انحاء الجمهوريه كلها زى إلى ف المقطم و السويس وغيرهم من المواقع وظيفتهم انهم يبثوا الاشاره للمستخدمين تمام كده .
قناه الجزائر الارضيه programnational شفره بيس
تردد 11680افقي 27500
الشفره 1100001100000000
- الفكره هنا ان مثلا مثلا لو المسافه بين مركز المقطم والسويس ٢٠٠كم فالاشاره عقبال متروح لهناك هتكون ضعفت وممكن مركز السويس ميعرفش يستقبلها طب ايه الحل .
- الحل اننا بنبى برج فى النص اسمه repeater بياخد الاشاره قبل متضعف ويكبرها ويوصلها لبرج السويس .
- نفس فكره ال repeater إلى ممكن تشتريه من وى بالظبط بس الفكره ان هنا ده بيبقى بين ابراج الارسال وبعضها تمام كده .
- طبعا الموضوع ده مكلف خاصه لو بلد كبيره لذلك فى حل تانى تستخدمه بعض البلدان كحل اقتصادى اوفر الا وهو
- انها تحجز ترددات ع قمر صناعى وتبث القنوات الارضيه على القمر الصناعى وكل مواقع الارسال تلقط الترددات من القمر ده فيما يعرف بتقنية multistream. والصوره المرفقه موضحه ده .
- وده بيغنيك عن ابراج تكبير الاشاره ويقللك التكلفه فى مقابل إيجار بعض القنوات عبر القمر الصناعى واشهرهم القنوات الفرنسيه والايطاليه الارضيه إلى فى ناس بتقدر تلقطها .
- او ممكن تبقى موجوده كخط احتياطى فى حال حدوث خلل فى اى موقع لتكبير للاشاره.
- طيب الجزائر والمغرب و مصر عملو الموضوع ده ؟
- الاجابه هى اه الأرضيه المغربيه بتبث ملتستريم على قمر ٢١ شرق ومصر كانت عامله بث للقناه التانيه على قمر اكسبريس ايام الدورى الانجليزى زمان .
- علما بأن تقنيه ملتستريم مبتفتحش باى رسيفر وفى الغالب بتكون على اقمار بعيده عن ايد المستخدم.
- طب ليه الجزائر عامله البث ده على قمر سهل وهو نايل سات وبتشفير سهل ؟
- الحقيقه معرفش اجابه السوال لكن الى اعرفه ان أصحاب الحقوق سايبين الموضوع بمزاجهم وفى اى وقت يقدروا يطلبو نقل القناه لقمر بعيد او تشفيرها تشفير مش مكسور.
- طب ينفع اى بلد تعمل كده ؟
- الاجابه هى اه بس يبقى قمر بعيد وتشفير مش مكسور عشان محدش يقدر يستقبله .
by:Mohammed Osama