تكملة لسلسلة لـSEO Advanced Tips هنبدأ نتكلم النهارده عن اكتر من حاجه وهي ازاي نطلع الصفحات اللي احنا طالعين فيها في الصفحة الاولى بس في اخرها وبعد كده هنقول شوية خطوات عن ازاي نخليها تطلع في اول 3 نتائج.
اول حاجه هنتكلم عنها هي اننا ازاي نعرف الصفحات والكلمات المفتاحية اللي احنا طالعين فيها في الصفحة الاولى
1- هنخش على Google search console
2- هنضغط على المربع اللي بيظهرلنا الشارت بتاع متوسط عرض الاعلان او الـPostion لو انت بالانجليزي
3- هننزل تحت في خانة طلبات البحث ولو بالانجليزي هتبقا الـ Search Query (طبعا احنا عارفين ان الخانة دي بتاعت الكلمات المفتاحية اللي ظاهرين فيها)
4- هنلاقي ايقون على الشمال كده بتكون وظيفتها انها تحط فلتر لبيانات معينة انت بتختارها
5- بنختار الموضع او الـPostion بعد كده بنختار ان يكون القيمة انها تكون اصغر من 10 (دي معناها انك بتقوله طلعلي كل الصفحات والكلمات اللي بتظهر في الصفحة الاولى فقط) وبعد كده بنعمل الترتيب يكون من الصغير للكبير زي اللي في الصورة كده بحيث يطلعلنا النتائج من تحت لفوق.
كده طلعنا كل الصفحات والكلمات المفتاحية اللي بتظهر في الصفحة الاولى فقط ودلوقتي بقا نخش على ازاي نبدأ نشتغل على الصفحات اللي في اخر الصفحة الاولى بحيث يوصلو لاول 3 نتائج
1- هنطلع كل الكلمات المفتاحية والصفحات اللي محتاجين نشتغل عليهم
2- هناخد كل كلمة مفتاحية لوحدها ونبحث بيها في جوجل وناخد اول 5 نتائج في البحث طالعين اورجانيك سيرش مش اعلانات
3- في المرحلة دي في اكتر من حاجه هنبص عليها ونبدأ على اساسها نحدد ايه اللي هنعمله هكتبهم سريعا كده
نوع المحتوى (صور - فيديوهات - ملفات صوت)
عدد كلمات المحتوى
الـUX & UI الخاصة بالصفحة
سرعة الصفحة على الموبايل وعلى الديسكتوب
عدد الباك لينكات وعدد المواقع اللي واخد منها الباك لينكات
4- بعد كده نبدأ نشتغل بقا على صفحتنا بإننا نحاول نبقا احسن منه في كل حاجه احنا طلعناها من اللي فوق دي
ومتنساش ان السوشيال سيجنالز بتفرق برده فإحتمال كبير يكون المنافس بيشتغل سوشيال ميديا بشكل كويس، فحاول تهتم كويس بالسوشيال سيجنالز
ومتنساش برده ان الـMeta Title و الـMeta description عامل كبير في الموضوع ده فلازم نركز عليه برده
كده يبقا خلصنا البوست طبق الحجات اللي فوق دي وهتلاقي نتائج ملحوظة عندك في الترتيب بإذن الله
بواسطة: Ebrahem Mohamed
قد يفيدك:
كتابة المقالات: لماذا يجب أن تبدأ مقالك بأسهل خطوة فيه
كيفية بدء موقع مقالات ناجح: خطوات أساسية
أدوات Perspectives لرفع مستوى محتوى موقعك في نتائج البحث من جوجل
موقع يقدم خدمة إنشاء سياسة الخصوصية واتفاقية الاستخدام لموقعك أو مدونتك مجانًا
موقع Flutter وخدمات Firebase اتحجبوا في مصر
قبل أن تبدأ: رسالة خاصة لكل مدون على بلوجر
منع جوجل من ترجمة مدونة بلوجر إلى أي لغة أخرى
كيف تتصدر نتائج البحث عبر تهيئة أون بيج سيو on page seo
كيف تظهر موقعك في أعلى نتائج بحث جوجل؟ نصائح لـ Featured Snippets
6 نصائح لتطوير مهارة كتابة المحتوى