هناك قصور في فهم فكرة ال CV بس مش اكتر ال CV هو حاجه تعريفية بمين الشخص ده وايه مؤهلاته الشخصية والتقنية والوظيفية, ايوه مش بس الوظيفية.
بمعني انه عادي تكتب في السي في بتاعك النشاطات الطلابية اللي عملتها, اي انجاز جامعي عملته زي الابحاث اللي بتعمليها من وقت للتاني بناء علي طلبات الدكاترة, او اي كورسات اخدتيها سواء اونلاين او غيره. مقال او تدوينة Blog كتبتيها بتشرحي فيها اي بحث او حاجه تخص دراستك.
ولو بتتعلم البرمجة علي سبيل المثال فبتكتب لغة البرمجة اللي تعرفها واي تكنولوجي اشتغلت بيها زي مثلا لغة برمجة كذا وويب سرفر كذا وقاعدة بيانات من نوع كذا الخ, واكيد وانت بتتعلم هتكون عملت شوية مشاريع تجريبية زي مثلا ويب ابلكيشن, ارفعه علي GitHub واكتبه في السي في عادي جدا.
ممكن كذلك تكتب المهارات الشخصية زي مثلا لو بتتكلم اكتر من لغة او بتتكلم انجليزي بمستوي كويس او عندك مهارات تواصل جيدة الخ.
زي ما بحب اقول دايما, السي في ده هو المنوب اللي بتبعته يتكلم عنك قبل ما الناس/الشركة تشوفك. فتحبه يقدمك ازاي؟
- يا عمنا صباح الفل, انا لا عملت اي ابحاث ولا عملت اي مشاريع برمجية ولا نشاطات طلابية ولا حتي عندي مهارات شخصية, دنا حتي مبعرفش اعمل صفارة ببقي!
- تمام, وقف بقي, معندكش اي مهارة ولا عملت اي حاجة فحياتك ولا بتجتهد ولا بتذاكر ولا بتبحث ولا بتجرب اصلا, مقدم في شركة ليه حتي لو تدريب؟ لا بجد مقدم ليه؟ معتقد انهم هيأكلوك العلم بالمعلقة ويبدأو يشرحولك من اول ألف أرنب؟ لو انت في المرحلة دي فانت محتاج تقف مع نفسك وتعيد حساباتك علشان انت كده في الطريق الغلط والمكان الغلط والكلية الغلط.
اي افضل النشاطات الطلابيه ال ممكن تضيف جدا لل CV بعدين
الموضوع علي حسب المجال. لو مجال تقني فالنشاطات الطلابية التقنية زي مثلا CAT في جامعة المنصورة هتضيف لل CV سواء مطالب او كحديث التخرج. لو في إعلام مثلا فهتكون النشاطات الطلابية زي مسرح الجامعه او تصوير لقاءات كجزأ من نشاط طلابي الخ. بس بشكل عام بنصح بالاشتراك في اي نشاط طلابي يقابلك لانك هتستفيدي منهم كلهم لو مش علي المستوي المهني فهتستفيدي علي تطوير المهارات الشخصية.
من فضلك يا هندسة لو أنا مذاكر كورس معين بس مش سرتفيد فيه اكتبه ولا بلاش ولو هكتبه اكتبه ازاى ؟ + لو لغة برمجة عارف اساسيتها كويس بس مش متعمق فيها اكتبها برضو ولا بلاش
Mohamed Adel اكتبه طبعا. انا عملت كده لكذا سنة وكنت كاتب الكورسات اللي مذاكرها ومكنتش واخد شهادتها, دي دليل علي انك شخص مجتهد وبيطور من نفسه بشكل مستمر. بالنسبة لجزأ لغة البرمجة ممكن تكتب حاجة زي Basic level of XXX programing علي سبيل المثال عشان تبقي ... عرض المزيد
المصدر: Mesh Ebrahem Hegazy
قد يهمك:
أسهل طريقة لتصوير قوالب المدونات والمواقع على أكثر من جهاز
موقع لمعرفة هل أنت محظور من دخول أحد المواقع أم لا؟
الفرق بين HTTP و HTTPS عند تصفح المواقع؟
كيفية إنشاء بيانات الشركات العالمية بشكل فعّال؟
إطلاق أقمار اصطناعية لمشروع الإنترنت الفضائي Kuiper: تقنية مبتكرة من شركة أمازون
ما هي البيانات التي يتم جمعها من المواقع عند زيارتها؟
كيف أحقق أول مبيعة في خمسات؟ نصائح هامة للمبتدئين
بين الحيادية والموضوعية فرق كبير!
ماهو البورتفوليو Portofolio؟