موقع تحميل العاب ps1 بلاي ستيشن 1 بصيغة iso

 

 

الموضوع بيبدأ ب NCIX tech tips القناه اللي كان بينزل عليها لينوس فيديوهاته في الاول من 2007 لـ2008 لما كان بيشتغل في محل كمبيوترات بسيط في فانكوفر في كندا و هو عنده 20 سنة

يوتيوبر بدأ ببداية بسيطة كان مبسوط انه بيعمل 1 دولار في اليوم و وصل دلوقتي لأنه حرفيا مش محتاج يشتغل يوم تاني في حياته و يقدر يدخل اولاده اي جامعه يحبوها

 

خليني في الاول ارسملك صوره تخيليه لـscene اليوتيوب في 2007..الناس مكانتش تعرف ان في موقع اسمه يوتيوب اساساً..و ايه اصلا فايدة وجود موقع بتقدر تشارك فيه الفيديوهات؟ و نتيجه لكده طبعا تقدر تتخيل عدد الفيوز اللي كانت بتيجي لأي يوتيوبر في الوقت ده..

 

ف تخيل كده تبقا محتاج تعمل review لمنتج عالأقل مره كل اسبوع هيكلفك 100 دولار عالأقل و في الاخر تجيب 100 فيو او اقل...it was a dark age

 

ف الوحيدين اللي كانو يقدرو يعملو فيديوهات زي كده هما اصحاب محلات الالكترونيات او في الحاله دي لينوس

لكن المحل كان بيدفعله 250 دولار مقابل كل فيديو و ده كان قليل ف قرر يعمل قناته الخاصه اللي برعاية المحل علشان يقدر ينزل فيديوهات اكتر و المحل يدفعله 30 دولار بس مقابل كل فيديو

 

عدى حبة وقت ع الوضع ده لحد ما المحل قرر يستغنى عنه علشان مكانش عاجبهم اختياراته في الفيديوهات ولكن كده قناة Linus tech tips اللي تعب فيها كانت هتروح منه ف قرر يتفاوض مع صاحب الشركه انه يشتري منه قناته مقابل 1 دولار بس لينوس لازم يعمل فيديوهات لقناة NCIX لمدة سنتين احتكار..و ده بالظبط اللي عمله لينوس علشان ياخد حريته

 

2013 لينوس بيأسس Linus Media Group و كأي شخص طبيعي بدأ شركته الجديده في الجراج مع 3 موظفين و في اقل من سنه بيوصل للمليون سبسكرايبرز

 

من 2014 لـ2019 القناه بتكبر واحده واحده ولكن لينوس حظه وحش لأن ولا فيديو ليه بيطلع viral، لكن بيكبر تدريجياً و بيوصل للـ10 مليون سبسكرايبرز بكل هدوء في 2020 بعد 13 سنة، 5000 فيديو و 5.5 مليار فيوز (متخيل الرقم؟)

 

ده غير انه متوسع في اكتر من قناة، الأساسية بإسم Linus tech tips، وقنوات فرعية بينزل عليها محتوى مختلف نسبياً عن القناة الأساسية زي Tech quickie و Tech linked وغيرهم

 

في 2020 لينوس بينزل فيديو بعنوان "انا بفكر اعتزل" بسبب انه بقاله 13 سنه بيشتغل كل يوم و مبقاش عنده وقت لعيلته و اولاده على الرغم من انه عمل الفلوس اللي تكفيه ولكن بيقرر لينوس انه ميعتزلش بس بيغير في system فيديوهاته علشان يوفر وقت لعيلته

 

شخصيا انا عمري ما كنت Nerd ولكن Geek بس لينوس بيقدم فيديوهاته الـNerdy جدا بطريقه تجذب الانتباه و علشان كده هو من انجح الـTech channels على يوتيوب لغاية دلوقتي

 

قصة ممله تليق بشخصية Nerdy زي لينوس.. صح؟

________________________________
Written by: Tamer Adel Tamer

تابع أيضًا:

عندما تريد ان تبتكر ولكن بدون تخطيط جيد شركة Pay By Touch
تعرف على قصة شركة "Pay By Touch" التي حاولت الابتكار في مجال الدفع الإلكتروني، ولكن غياب التخطيط الجيد أدى إلى فشلها الكبير.

Laundroid الجهاز الخارق الذي قضي علي نفسه بالتكلفة
تعرف على جهاز "Laundroid" الذي كان يُفترض أن يحدث ثورة في مجال غسيل الملابس، ولكنه فشل بسبب تكاليفه الباهظة.

شركة Klarna وخسارتها امام شركة ابل الامريكية بالسوق
اكتشف كيف خسرت شركة "Klarna" أمام شركة "Apple" في سوق المدفوعات الإلكترونية، وكيف أثر هذا في مستقبل الشركة.

عندما يكون لديك منتج عظيم ولكن منافسك هو عميلك فهذه نهايتك
تعرف على قصة الشركات التي كان لديها منتج عظيم، ولكن في النهاية كان منافسها هو عميلها، مما أدى إلى نهايتها.

تقرير: الغباء المحكم الذي قضي علي امبراطورية كوداك!
اكتشف كيف دمرت قرارات غير مدروسة إمبراطورية "كوداك" في سوق التصوير الفوتوغرافي وكيف كانت نتائج الغباء المحكم.

تحرير المقال