عن ماذا تبحث؟

القط والفار: كيف يلاعب ايلون ماسك تويتر لشرائه بأقل ثمن ممكن؟!

 

   

كيف يلاعب ايلون ماسك تويتر لشرائه بأقل ثمن ممكن؟!


موضوع تراجع ايلون ماسك عن استحواذه على تويتر دلوقتي بقى أشبه بحرب على جبهتين.. جبهة في المحاكم وجبهة تانية مع الرأي العام وده ممكن يكلف ايلون ماسك وتويتر كتير اوي.. بس ليه أصلاً ايلون ماسك تراجع عن قراره؟

الحرب الباردة بين تويتر وايلون ماسك

بناء على رواية ايلون ماسك واللي قال انه هيثبتها في المحاكم انه كان هيتعرض لعملية خداع كبيرة جداً من تويتر، وانه مش هو بس اللي اتعرض لعملية الخداع دي، ده كمان كل مستخدمي تويتر دلوقتي بيتخدعوا وفلوس اعلاناتهم بتروح على الأرض!


ايلون ماسك قال ان إدارة تويتر بتتلاعب بأرقام المستخدمين على تويتر عن طريق الحسابات الوهمية "Fake Accounts" وعن طريق حسابات Spam، وكل الاقرارات والأرقام اللي بيتم الإعلان عنها كاذبة ومضللة، وقال انه على مدار شهرين كاملين كان بيراجع كل كبيرة وصغيرة وكان في تفاصيل ومعلومات كتير جداً إدارة تويتر كانت بترفض تطلعه عليها او بتزور فيها.


عدد المستخدمين النشطين يومياً على تويتر خلال الربع الثاني من 2022 هما 238 مليون مستخدم بناء على آخر تقرير من تويتر واللي أعلن فيه زيادة عدد المستخدمين النشطين بمقدار 9 مليون مستخدم مقارنة بالربع الأول.


ايلون ماسك قال انه متأكد ان حوالي 27% من عدد المستخدمين دول عبارة عن Spam Accounts وحسابات وهمية ولا تخص أشخاص حقيقيين وده بيأثر بشكل كبير جداً على نتائج الإعلانات اللي بيعملها المستخدمين على تويتر، وقال كمان ان أي اعلان على تويتر مبيوصلش غير لحوالي 7% فقط من مستخدمي تويتر النشطين.


يعني الـ Reach اللي بيتحاسب عليه مستخدمي تويتر في الإعلانات هو Reach لحسابات Spam غير حقيقية وبالتالي بلا نتائج.
فريق ايلون ماسك القانوني قالوا انهم في مرحلة جمع واستكمال الأدلة، وان مجلس إدارة تويتر كان رافض بشدة في البداية عرض استحواذ ايلون ماسك وكان بيقاتل علشان الصفقة دي متدخلش حيز التنفيذ علشان عارفين انهم هيتكشفوا.


ايلون ماسك بقى امبارح طلب من المحكمة رسمياً استدعاء جاك دورسي لاستجوابه قصاد المحكمة وده الرئيس التنفيذي السابق لتويتر واللي ترك المنصب في شهر نوفمبر اللي فات واكتفى بس ببقاؤه في مجلس الإدارة.


جاك دورسي المفروض انه صديق مقرب لإيلون ماسك وهو اللي اقنع ايلون ماسك من البداية انه يشتري اسهم في تويتر ويكون في مجلس الإدارة وده اللي حصل فعلاً قبل اعلان الاستحواذ، فالمفروض دلوقتي ايلون ماسك طالب شهادة جاك دورسي في المحكمة لأنه المفروض على علم بكل اللي بيحصل بحكم انه كان الرئيس التنفيذي لتويتر.


ايه عواقب بقى كل اللي بيحصل ده؟


لو ايلون ماسك خسر القضية دي هيبقى ملزم بدفع مليار دولار كاش لادارة تويتر كشرط جزائي لإلغاء عملية الاستحواذ، اما بقى لو تويتر خسر القضية وتم اثبات ادعاءات ايلون ماسك فمتوقع انه يتم الإطاحة بمجلس إدارة تويتر وكمان المبلغ اللي اتعرض في عملية الاستحواذ "44 مليار دولار" يقل بشكل كبير جداً علشان يناسب قيمة المنصة الحقيقية.


فريق ايلون ماسك القانوني قالوا انهم مش مجانين علشان يدخلوا في عملية استحواذ كبيرة فيها شرط جزائي ضخم بالشكل ده ويتراجعوا فيها بدون وجود أدلة واثباتات قوية بتثبت ادعاءاتهم دي.


شايفين الحرب دي هتخلص لصالح مين؟ وهل ايلون ماسك فعلاً ممكن يدخل في عملية استحواذ زي دي ويتراجع وهو مش معاه اثباتات للادعاءات بتاعته؟


#كرياتوفا

إيلون ماسك مش غبي و مش عايز يتراجع في عملية شراء تويتر و إنما هو عايز ياخدها بتراب الفلوس فمسك عليهم حاجات تدينهم و بالتالي تويتر هتخسر قيمتها السوقية و هيشتريها ببلاش زي ما بيقولوا.

تعليقات



حجم الخط
+
16
-
تباعد السطور
+
2
-