مشكله بتحصل مع ناس كتير لما بيظبطوا طبقهم المتحرك تجيب اقمار الشرق اقمار الغرب تقل والعكس طب ايه حل المشكله دي.
كيفية حل مشكلة الاشارة علي اقمار الغرب والشرق بتقل وتزيد؟
هجاوب حضرتك باختصار بس ركز معايا
(١) لو بيزيد اقمار الغرب وتقل اقمار الشرق لما ترفع وش الطبق لفوق يبقي كده تاخد البولار سنه ناحية الغرب
(٢) لو بيزيد اقمار الغرب وتقل اقمار الشرق لما بتنزل بوش الطبق لتحت يبقي تاخد البولار سنه ناحية الشرق
يعني باختصار تاخد البولار الناحية اللي بيزيد فيه الاشاره اما بترفع وش الطبق ***
(٣) لو بيزيد او يقل اقمار الشرق والوسط والغرب مع بعض لما بترفع وش الطبق او تنزله كده يبقي لازم تظبط الطبق من مسمار الميزان علي تردد 12226 علي استرا او تردد 10924 افقي 17000 علي عرب سات 30
(٤) لو بيزيد اقمار الشرق واقمار الغرب مع بعض وبيقل اقمار الوسط لما بتنزل بوش الطبق لتحت او بترفعه لفوق كده يبقي فيه عندك زاوية ميل حله بتحل المشكله دي بانك بتقف علي قمر من اقمار الغرب زي تلستار 15 غرب قنوات espn او الهيسبا 30 غرب قنوات sport tv
وبتضغط ع الدراع اللي شايل الطبق من تحت ع الشمال لقدام لو بتزيد معاك الاشاره كده هتهوي المسمارين اللي ماسكين الدراع مع مثلث البولار وتحط وردتين او تلاته حسب تقديرك وتربط تاني وكده مبرووووك عليك مدار متكامل
الموضوع ده مش منقول ولكنه اجتهاد شخصي من اخوكم الهاوي للسات محمد عبد الوهاب بعد كل اللي اتعلمته من الفنيين المحترمين
تابع ايضا:
ما معنى STB وما علاقته بالبث التلفزيوني؟
حاجات بسيطه كده تعملها قبل وبعد كل سوفت للرسيفر الميني
القنوات الناقلة لكأس افريقيا للاعبين المحلين الجزائر 2023
تحول سيرفر الفوريفر الي limitiptv علي جهاز رسيفر ميديا ستار 2525؟
ماهي اقل جودة مشاهدة Low ولا sd؟ اقل جودة مشاهدة عشان ميسحبش نت كتير
تقرير: افضل القنوات الشيرينج في الدقة و الصورة التي تنقل كاس العالم
ماهي جودة الاشارة و قوة الاشارة في اجهزة الرسيفر؟
ايه الفرق بين الطبق المسطح والطبق اللى بعمق وايهما افضل؟
موقع ممتاز للبحث عن أي قناة على القمر الصناعي ومعرفة الاسم والتردد
ماهي اهم الاسباب لعدم تشغيل الرسيفر الداخلي للشاشة بشكل رئيسي؟