عن ماذا تبحث؟

افلاس منصة Blockfi لتداول العملات المشفرة وتقنية البلوك تشين

حدث ما توقعته! ارجع كدة لمقال "الصدمة الأولية الخاصة بملابسات التحقيق في المنصة المنهارة FTX
" عن منصة Blockfi وشوف قولتلك ايه وقتها!، ان الانهيار القادم هيجي بسبب منصة Blockfi، وان كلهم بيقولوا معندناش مشكلة و هم عندهم جوة.
 
 
افلاس منصة Blockfi لتداول العملات المشفرة وتقنية البلوك تشين

 

فنقول ولله الحمد الواحد برضوا عاصر انهيارات كتير و بقي خبرة ^_~ شوية هدوء بقي علشان تعرف ايه اللي بيحصل …..



منصة Blockfi بتقدم طلب حماية قانون الافلاس الامريكي الفصل ال ١١، ولو مش عارف ايه هو الفصل ال ١١ من قانون الإفلاس ارجع لبوست بتاريخ ١١ نوفمبر.



طيب ليه ده بيحصل، الخلاصة المنصة كانت بتنهار من فترة و صندوق Alameda عرض انه بستحوذ علي المنصة و يفتح ائتمان ب ٢٥٠ مليون دولار ووصلت ل ٤٠٠ مليون دولار علشان سداد الديون.


بعدها يا مُحترم يقال انه حصل العكس، عارف مثل "جيتلك يا عبد المعين تعيني" منصة Alameda مدت ايديها ل Blockfi و قالتلها حاجة لله علشان اخوك بينهار، قامت المنصة مسلفها (معلومة غير مؤكدة الي الان).



عايز تعرف الديون قد ايه؟؟ طيب بتعرف تعد لحد كام؟!!

بعض دائني المنصة شركة تابعة ل FTX US بإسمها التجاري West Realm Shires بقيمة ٢٧٥ مليون دولار.



لجنة تنظيم الاوراق المالية SEC المسؤلة عن اصدار تصاريح و مراقبة سوق المال في امريكا ليها تسوية بقيمة ٣٠ مليون دولار.



شركة Ankura Trust ليه حاجات بسيطة مجرد ٧٣٠ مليون دولار تقريبًا.



اكتر من ٥٠ دائن كمان لسة ما تمش الاعلان عنهم.



و بعد انتشار الخبر يا مُحترم سوق العملات المشفرة طار منه ٣٠ مليار دولار.



اول دومينو لما بيتزق بيجر كل اللي وراه.

(معلومة لا يعلم الغيب الا الله لكن المؤشرات المبدئية و متابعتي للأخبار و حيثيات قضية FTX هي اللي خلتني اتوقع انهيارها)


تعليقات



حجم الخط
+
16
-
تباعد السطور
+
2
-