ماهو الفرق بين المحفظة الرقمية العادية والمحفظة HD للعملات المشفرة؟

في هذا الموضوع نستعرض سويا الاختلافات بين محفظة العملات الرقمية العادية ومحفظة العملات الرقمية المشفرة HD وايهما افضل لك للأستخدام بشكل مبسط كما تعودنا.

 
ماهو الفرق بين المحفظة الرقمية العادية والمحفظة HD للعملات المشفرة؟

 




 احمي عملاتك المشفرة من عين الاقارب قبل الهاكر


احمي عملاتك المشفرة من عين ابن خالتك قبل الهاكر، بعد اخر قعدة قهوة مع صحابك قررتوا خلاص انكم تعملوا مشروع بعد ما خلصت كل الخطوات لبناء الشركة ابتديت تبيع و تشتري



لكن حبيت يكون ليك طابع مميز فقولت انا عايز استخدم البيتكوين علشان تبقي شركة موكبة للتقدم وكدة


روحت عملت محفظة و اديت العنوان بتاعها للعملاء بتوعك, علشان يحولولك عليها حق المنتج بتاعك

و في نفس الوقت بتستخدم نفس المحفظة علشان تدفع بيها للموردين و المصاريف بتاعت الشركة

لحد لما لقيت ابن خالتك ابو عين مدورة بيقولك

"ايوة ياعم شغال معاك نار .. دخلت علي المحفظة بتاعت البيتكوين بتاعت شركتك ولقيتك كسبان يجي 100 الف دولار"

"

انت اتصدمت لما عرفت المعلومة ده و بقيت عمال تفكر و تدور تحل المشكلة ده ازاي لحد لما جيت سألتني ايه الحل؟

فأقترحت عليك تستخدم ال HD wallet, بس انت مفهمتش و سألتني يعني ايه؟ هبسطهالك بس الأول لازم تعرف المحفظة العادية بتشتغل ازاي!

كيف تعمل المحفظة العادية للعملات المعممة المشفر؟


في الطبيعي المحفظة بيكون ليها Private key بيُستخدم علشان يطلع منه ال Public Key و ال Public Key بيطلع منه ال Address اللي بتستلم عليه العملات بتاعتك.

و المحفظة بتاعتك الحالية بتتبع المبدأ ده.

كيف تعمل المحفظة HD للعملات المعممة المشفر؟


لكن ال HD Wallet او ال Hierarchical Deterministic Wallet طريقة عملها مختلفة شوية

ال Private key بيكون هو ال Master Key و بيطلع منه كذة Private Key مختلفين, كل Key منهم بيطلع منه Public key اللي بدوره بيطلع Address مختلف لكل key


قومت انت عامل 10 محافظ بيتبعوا المحفظة الأم و اديت البرايفت لكل قسم من اقسام شركتك و العملاء اتحجب عنهم كل المعاملات الخاصة بيك, و بكدة ابن خالتك هيحاول يخطفك

علشان يعرف ال Master Public key,


طيب ايه ده هو ايه ال Master Public Key ده؟

ماهو الماستر بابلك كي Master Public Key؟

 ده اللي عن طريقه تقدر تشوف كل ال Addresses اللي علي ال Master Private key بس ميبقاش عندك القدرة علي ارسال الكريبتو لان مش معاك ال Master Private Key.



م/ محمد درويش 
تعليقات



حجم الخط
+
16
-
تباعد السطور
+
2
-