موضوع هوج بول دا فيه وجه مزعج جدا، الصورة بتاعتهم فيها ٢٥ انسان، انت متخيل ازاي ٢٥ انسان يتجمعوا مع بعض بنية سرقة ملايين من البشر.
لقوا بعض ازاي؟!
هو النصابين و الحرامية دول منتشرين الي هذا الحد؟!
النصب تحت مسمى الثراء السريع
منصة "HOGGPOOL" تستولي على 6 مليارات جنيه وتختفي في ظروف غامضة، هذه عبارة تعبر عن أن النصاب يستغل طموح الأشخاص الذين يسعون إلى الثراء السريع والسهل، ويستخدم حيلًا وخدعًا لإيهامهم بأنه يمكنهم تحقيق هذه الأمنية إذا قدموا له بعض المال أو المعلومات الشخصية. وبما أن الطموح يمكن أن يكون قويًا لدى بعض الأشخاص، فإن النصاب يعيش على حساب هذه الرغبة، ويتحول الطمع إلى فرصة له للتحايل والاحتيال على الضحايا.
لذلك، يجب على الأشخاص الحذر وتجنب الوقوع في فخ النصابين، والتحقق من مصداقية أي عرض أو صفقة قبل الاستجابة لها. ينبغي على الأشخاص أن يكونوا متعقلين وواقعيين في تطلعاتهم، وأن يتجنبوا الوعود المفرطة التي قد تكون غير واقعية أو مستحيلة التحقيق. وبالتالي، يمكن الحد من عمليات الاحتيال والنصب وتجنب الوقوع في قفا الطماع.
الثراء السريع حلم الفقراء وعمل المحتالين
الثراء السريع هو مصطلح يستخدم لوصف الرغبة في تحقيق الثروة بسرعة وسهولة دون بذل جهد كبير أو العمل الجاد. وغالبًا ما يتم استغلال هذا الرغبة من قبل النصابين الذين يعرضون عروضًا وصفقاتٍ زائفة توهم الأشخاص بأنهم يمكنهم الحصول على الثراء السريع.
عادةً ما تتضمن هذه العروض والصفقات الوعود المفرطة والغير واقعية، وتتطلب مبالغ كبيرة من المال أو تسليم بعض المعلومات الشخصية، وتستخدم التحايل والاحتيال والخداع لإقناع الأشخاص بالمشاركة فيها.
ومن خلال استغلال طموح الأشخاص ورغبتهم في الثراء السريع، يعيش النصاب على قفا الطماع، ويستمر في استغلال الضحايا والحصول على أموالهم دون تقديم أي خدمة أو منفعة حقيقية.
التطبيق الذهبي لتحقيق الثراء السريع في الاحلام!
فيه تطبيق/موقع منتشر انتشار سرطاني، بيوعد الناس بمكاسب بتوصل ل 300% في خلال ايام، التطبيق فكرته عبيطه، ادفع 400 دولار في تأجير جهاز تعدين عملات رقميه لمدة "كذا" ايام وكل يوم الجهاز ده هيجيبلك ارباح اد كذا ولما تخلص المده هيبقى معاد 800 دولارهل العملات الرقمية المشفرة (البيتكوين والايثريُم وغيرهم) بتجيب نسب الربح دي؟ لاء، سواء عملت تعدين (اكتشفت عمله)، او تاجرت في العملات (يعني اشتريت عمله بسعر قليل وبعتها بسعر اعلى) فمستحيل توصل لانك تكسب الضعف في اقل من سنه
الا في حالة نادره وهي صعود صاروخي للعملة المشفرة وده بيحصل بالصدفه ولاسباب اقتصاديه خارجة عن ارادة اي حد
المواقع اللي بتوعد بالربح السريع بتشتغل ازاي؟
بيجيبوا محمد يقولوا له استثمر 10 دولار وهيرجعوا 20 دولار، محمد بيقول لما اجرب، بيعمل كده وبيكسب ويسحب فلوسه (ال10 بتوعه و10 مكسب يعني 20 دولار)، بيلاقي الموضوع شغال، بيروح يسحب تحويشة عمره، يبيع دهب المدام، وعربيته احيانا، ويروح يستمر ويحط 4 الاف دولار ويروح بحسن نيه يقول لصحابه والله الموقع/المنصه الفلانيه دي مضمونين انا سحبت بنفسي ولو اشتركتوا عن طريقي انا هكسب مبلغ صغير زياده، ويجيب 4 صحابه، يحطوا فلوس، اتنين كل واحد يحط 50، واللي يحط 100 واللي يحط 200
كده محمد وصحابوا دفعوا كام؟ 4400 دولار، محمد 4 الاف دولار، وصحابه 400، يعني الاجمالي 4400
النصاب بياخد ال4400 الاف دولار بتوع محمد يدي منهم لعلاء اللي مشترك من اسبوع ب10 دولار وطالب يسحب فلوسه بالمكسب (20 دولار) علشان يطمن، ويدي لوليد اللي اشترك مع علاء فلوسه بالمكسب، وزي علاء ووليد فيه 8 اشخاص تانيين، كل واحد فيهم حاطط مبلغ صغير، وكسب، وعاوز يسحب علشان يطمن
رصيد المنصة كام؟ 4400، وزع منهم على علاء والدفعة اللي جات معاه، علاء والدفعة دول يطمنوا، حصل، راحوا يبيعوا دهب المدام وعربياتهم وتكتكهم ويقولوا لصحابهم، علاء والدفعة بتاعته يرجعوا يستثمروا ما مجموعه 20 الف دولار
نسينا محمد وصحابه؟ لاء مننساهمش، محمد له 4 الاف دولار راس مال و4 الاف كمان أرباح، وصحابهم ليهم 400 راس مال و400 أرباح، ادفعهم من الرصيد الجديد اللي جابه علاء وشلته
8800 دولار ناقص 20000 الف دولار، يفضل معانا 11200 دولار
علاء ودفعته عاوزين دفعوا 20 استثمار وعاوزين 40 الف دولار، استثمارهم بالمكسب
ساره وايمان وصاحبهم عرفوا بالموضوع، بيع الورث والذهب واستلفوا، ساره وايمان وصحابهم جمعوا 100 الف دولار، يطلع منهم 40 الف بتوع علاء، يفضل 60، يتوزعوا على باقي الدفعات الجديدة
الموضوع ده هيستمر شهر، اثنين، 6 شهور، سنه
دفعات جديده اكبر بكتير من المستحقات تيجي تسد المستحقات القديمة، ونفضل نلبس طاقية ساره وايمان لعلاء ومحمد، ويجي شادي ومازن، نلبس طواقيهم لساره وايمان، ونلبس طاقية الجديد للقديم، لحد ما نوصل ان اللي داخل يبقى اد اللي خارج، داخل مليون دفعات، خارج مليون دولار مستحقات
فنبدأ نتأخر على بعض الناس القديمة، خصوصا الناس اللي مش جاي من وراهم ناس كتير، مش محتاجينهم دول، محتاجين الناس اللي بتعمل لنا دعاية، نفضل ندفع لهم دول
تيجي اللحظة الحاسمة، المستحقات زادت، لان معدش فيه دفعات جديده كتير جايا لأننا نسينا نقطه مهمه، مفيش استثمار بيولد مكسب، دي كلها تلبس طواقي، يعني لازم اللي داخل يبقى ضعف المستحق عشان تفضل النصباية sustainable
وهنا يحصل الخلل، اول ما اللي داخل يقل، والمستحقات تزيد، هينهار الهرم، اللي كسب من الهرم كانوا في البداية، محمد وصحابه، علاء ودفعته، ساره وايمان وشلتها، دول ضاعفوا فلوسهم، كل واحد طالع بصافي ربح 10 الاف دولار ومستوره
اللي هيلبس هي الناس اللي هتيجي النهارده وبكره وبعده وبعده، لان المستحقات هتقف بحجج كتير منها مشاكل في السيستم، لكن التدفقات المالية هتفضل تستمر لان كله شاف محمد وعلاء وساره وايمان وغيرهم بيكسبوا، فيحطوا فلوسهم، وهوب الهرم ينهار، النصاب/النصابين هياخدوا اخر دفعتين اللي هيبقوا ملايين، ويختفوا، وراحت فلوسك يا رضا
مفيش اي بيزنس موديل (حتى تجارة المخدرات والاثار) بتضاعف راس المال في اقل من سنه
مكنش الدول والشركات غلبت، كانت شركات جوجل وفيسبوك وميكروسوفت وامازون، ومصر والسعودية وغيرهم، وقفوا المشاريع، وقفلوا حقول البترول، والشركات سرحت العمالة اللي بمئات الاف، وحطوا فلوسهم في منصة الاستثمار السريع وضاعفوا فلوسهم في أيام او شهور معدودة
كانت كليات الاقتصاد في العالم كله قفلت، والناس كلها قعدت في بيوتها بلا شغل وكل واحد معاه جنيه راح استثمره جابله جنيه، راح استثمر ال2 جنيه جابوا له 4 راح استثمارهم جابوا له 8
اقرا عن منصة white sand، كانت نفس الفكرة بالضبط، وخدوا القرشينات "الفلوس" وخلعوا وراحت فلوسك يا رضا
متستثمرش في اي منصبه ثراء سريع، متستثمرش في حاجه انتا مش فاهمها، مش هتتغني بسرعه، مش هتتغني من غير ما تبذل مجهود جبار وتتعب
متبقاش انتا ضمن اخر دفعه يتنصب عليها ويتاخد فلوسها عشان مينفعش "يعيش النصاب على قفا الطماع"
بواسطة: Ayman Arafa