القائمة الرئيسية

الصفحات

نهايه احتكار البطولات الافريقيه من قنوات بين سبورت

 

بطولات افريقيا علي الطريق الصحيح، بطولات افريقيا اكثر بطولات نعاني منها بسبب حقوق البث والتي تملكه قنوات bein sport العربيه في منطقه الشرق الاوسط وشمال افريقيا 


في الاونه الاخيره وتحديدا من عامين او اكثر ظهرت قنوات bein الفرنسيه علي القمر استرا 19 لتنقل بعض المباريات للفرق الناطقه باللغه الفرنسيه فقط ولكن بعد اتجاه دول شمال افريقيا لمتابعه الباقه خصوصا انها ناطقه باللغه الفرنسيه المفضله لبعض دول شمال افريقيا اتجهت القنوات لنقل مباريات الفرق المصريه ايضا.

 نهايه احتكار البطولات الافريقيه من قنوات بين سبورت

 

 

قد يفيدك:

 

 
باقه bein الفرنسيه ملك القطري ناصر الخليفي صاحب قنوات bein sport العربيه ويديرها المدير التنفيذي القطري يوسف العبيدلي والباقه تملك اكثر من 3 مليون مشترك داخل فرنسا و 800الف حول العالم 


حقوق البث الافريقيه في القنوات الفرنسيه تنقل مجانا بدون شراء ؟

ندخل في الموضوع ونحاول نتكلم ببساطه شويه علشان كل الناس تفهم 
قنوات bein sport العربيه حصلت علي حقوق بث البطولات الافريقيه لمده 10 اعوام مقابل مليار دولار وتم التعاقد وقتها مع رئيس الاتحاد الافريقي السابق احمد احمد مقابل بث جميع البطولات الافريقيه للانديه والمنتخبات بالاضافه لبث اهم المباريات الافريقيه علي الباقه الفرنسيه دون الرجوع للاتحاد الافريقي يعني بمزاجهم ينقل اللي هو عايزه او لا والدليل علي كده انه في مباريات مهمه في دور ال 8 منقلهاش علشان كان في دوريات اوروبيه في نفس الميعاد وده المهم عندهم 


احمد احمد رئيس الاتحاد الافريقي كان متهم بأكتر من تهمه فساد والسبب الرئيسي فيها كانت قضيه حقوق البث وده كان سبب انه يتشال بسبب اللعب تحت الطربيزه علشان الدنيا تمشي والمزاد يرسي علي قنوات bein
 

الرئيس الحالي في الاتحاد الافريقي بدء يغير في النظام شويه واحتمال كبير الفتره الجايه ان حقوق البث تبدء من جديد وبمزاد جديد بس اللي حابب اقولهلكم ان الاتحاد الافريقي بيصعب كل الاموار علي bein وفي اي لحظه ممكن العقد يتفسخ وده واقف علي موضوع قضايا الفساد اللي لسه شغاله لحد وقتنا هذا 


الاتحاد الافريقي بيحاول يغير شكل اللعبه ؟

الاتحاد الافريقي عرض علي كل الشبكات الرياضيه والتي تبث في قارات اوروبا و امريكا الجنوبيه والشماليه وغيرها نقل حقوق البث باقي المباريات الافريقيه من دوري ابطال افريقيا وبالفعل وافقت باقه قنوات sport klub الصربيه والسلوفنيه نقل المباريات علي حدا وتم تحديد السعر للمباره في الدور قبل النهائي بسعر والنهائي بسعر 


من الموسم المقبل سيتم عرض بيع حقوق البث لمباريات دوري ابطال افريقيا وكأس الكونفدراليه علي اكثر من شبكه حول العالم لبث البطولات الافريقيه وظهور مباريات افريقيا للعالم اما بقا لو قنوات bein لعبت لعبه شمال واتفقت مع اي باقه تشتري انها متنقلش . وطبعا شعبيه bein حاليا في النازل بسبب خسارتها دوريات كتير ومع ظهور القنوات الصوتيه اصبح لاي حد انه يشاهد البطولات بتعليق عربي بسهوله


الخلاصه

 الاتحاد الافريقي الحالي يقدر يغير حاجات كتير اوي ويظهر شكل افريقيا من جديد للعالم
عموما هنشوف كلها كام شهر والدنيا هتبان بس اللي واثق فيه ان فيه قنوات كتير هتشتري من البطوله الجديده  

BY: احمد عز العالمي

قد يعجبك:

تعليقات