الخلاصة في تزويد الأرباح باستخدام VPN/ بدون VPN / بالحملات الأعلانية

  

  الربح السريع من الانترنت والمكسب الكبير هو اهم ما يبحث عنه المبتدئ في مجال العمل عبر الانترنت او ما يطلق عليه منهم الربح من الانترنت ولكن.

 لكل فعل رد فعل فعند البحث عن البحث عن طرق ذيادة الارباح عبر الانترنت لقنوات اليوتيوب من مشاهدات الاعلانات عبر سيرفرات RDP او عبر الترويج المدفوع لها فأنت قد تضيع كل مجهوك بشكل مجاني دون ان تشعر، وفي هذا الموضوع يستعرض معنا المهندس Ammar Diab بعض النصائح الهامة حول موضوع الخلاصة في تزويد الأرباح باستخدام VPN/ بدون VPN / بالحملات الأعلانية.


 

السلام عليكم.
لوجه الله...الخلاصة (بس طويلة شوية) في موضوع تزويد الأرباح سواء باستخدام في بي إن أو بدون في بي إن أو بالحملات الأعلانية.

أولاً: باستخدام في بي إن

(الـ في بي إن تطبيق لتغيير ip الجهاز لأي دولة أخرى وفي منه المجاني والمدفوع)
في ناس بتستخدم الطريقة البدائية...
حمل تطبيق في بي إن كذا من المتجر واعمل حساب جيميل جديد وادخل من دولة كذا (cpm مرتفع) وابحث عن قناتك أو موقعك في جوجل ووو إلى أن تضغط على الاعلان وتنتظر فترة إلخ...
= انتظر رسالة إغلاق حسابك على أدسنس.💀
الموضوع اتطور وفي ناس ضحت واستخدمت vpn مدفوع ونفس الطريقة
= انتظر رسالة إغلاق حسابك على أدسنس أيضاً.💀
اتطوروا اكتر واستخدموا rdp مع vpn مدفوع مع تغيير المتصفح في كل نقرة يعملها مع تغير كذا وكذا الخ...
=أدسنس هيتقفل برضو.💀
في طرق تاني في موضوع الـ في بي إن بس كلها مجرد افتكاسات من الناس ولف ودوران وتحوير علشان يضحك على أدسنس بس النهاية واحدة وهي اغلاق الحساب.
طيب في ناس بتربح بالطريقة دي؟ ومبالغ كبيرة؟
ايوه، بس زي ما قولت الحساب هيتفل دي حقيقة لا شك فيها + أن جوجل بعد فترة ممكن ترفع عليك قضية تعويض وأظن في حالات قبل كده كانت في الجروب حصل معاها نفس الموضوع (جوجل معاه حسابك البنكي وبالتالي كل بياناتك) + أن تزويد الارباح وخداع جوجل (والمعلنين) مش محتاج أقولك حرام ولا حلال، أكيد أنت عارف.


**تنويه**
في ناس بتستخدم حساب ادسنس في تزويد الارباح وأول ما يسحب منه يبيعه فالناس تخلي بالها لو هتشتري حساب ادسنس تكون ارباح الشهور السابقة متقاربة مش 100 و 120 و5000، ركز الله يباركلك.
بالنسبة للناس اللي بتبيع طريقة تزويد الأرباح... سمعت المثل اللي بيقول "كان القرد نفع نفسه"🐵، الاخ بيقلب مصلحة على قفا الناس المبتدئة ولو من كل جروب صاد 2 أو 3 في اليوم بالنسباله كده تمام.
أما بالنسبة للناس اللي بتشتري الطريقة... سمعت بالمثل اللي بيقول "الفضول قتل القطة"؟🐱 طبعاً مفيش داعي للتفسير.
في بداية انضمامي للجروب كان في حالة أوحالتين لحسابات ادسنس اتقفلت... مع الزمن بدأ يتطور الموضع لحد ما وصلوا 50 ويمكن 100 في الشهر (دي الناس اللي بتنزل بوست) الله أعلم كام عدد اللي اتقفل حسابهم وساكتين، كأن الناس بدل ما تتعظ بتتمادى أكتر!! 🙃
هيقولك شغال ليا 100 سنة بالطريقة دي والدنيا تمااااام= محصلش
يا إما حسابه اتقفل يا إما في طريقه للقفل بس هو مش عايز يغرق وحده.


ثانياً: التزويد بدون في بي إن

فاكر في بداياتك في البحث عن "الربح من الانترنت"... فاكر مواقع الضغط على الاعلانات PTC >>> بتشاهد اعلان لمدة 60 ثانية مثلاً ويديك 0.0001 😂
نفس الحوار بس انت اللي بتدفع علشان الناس تشاهد المقالة أو الفيديو بتاعك لمدة قصيرة بمبلغ لا يذكر، الزوار حقيقين لكن الزائر غير مهتم ويعتبر غير حقيقي كالبوت تماماً بدون أي تفاعل مع المحتوى.
مثلها مثل مواقع الخدمات المصغرة أيضاً، يقوم بعمل "مهمة" عنوانها "شاهد الفيديو حتى النهاية واشترك في القناة واربح 2 روبل" ويقوم بتمويل المهمة>>>حسناً، قد تكون هذه افضل من الاولى في استخدامات بعيداً عن أدسنس لكنها تبقى خداع بزوار غير مهتمين.
تقريباً سيغلق حسابك في أدسنس لكن بعد مدة من 3 إل 5 أشهر .

 


ثالثاً: التزويد بالحملات الإعلانية (أدسنس أربيتراج).

هذه هي الطريقة الوحيدة الحقيقية (على حد علمي) لتزويد الأرباح باستخدام المال.
يقوم باختيار نيتش مربح وعمل فيديو أو تدوينة بيرفكت فيه غنية بالكلمات المفتاحية ذات السعر العالي وفريدة ويقوم بالترويج لها في تويتر أو فيس بوك أو شبكات اعلانية اخرى مثل بدائل أدسنس رخيصة السعر.
الفرق بين تكاليف الحملة الاعلانية وأرباحك من ادسنس هو صافي الربح.
المشكلة أنك إذا اعتمدت هذه الطريقة فقط بدون زيارت من جوجل قد يأتيك تقييد لحسابك في أدسنس.
الموضوع أوسع من ذلك بكثير يمكنكم البحث عنه في اليوتيوب يوجد دورات وشروحات كثير عنه وقد يكون هناك حل لمشكلة التقييد أيضاً.
أخيراً: أشتغل صح واشتغل حقيقي وبإذن الله هتوصل وربنا هيكرمك ولو انت حاسس أن أرباحك معدومة مع أن مجهودك كبير جداً يبقى أنت للأسف ماشي غلط، شوف حد يوجهك صح.
عذراً على الأطالة.

BY: Ammar Diab

 

 

تعليقات
ليست هناك تعليقات
إرسال تعليق