يعاني العديد من مقدمي الخدمات الحرة عبر الانترنت "الفريلانسر" خاصة المبتدئين من مشكلة كيفية تقدير القيمة المالية للخدمات خاصة انه لا توجد تسعيرة محددة لتلك الخدمات التي قد تختلف من مكان الي اخر حسب الموقع الجغرافي او الشركة او العملاء طالبي تلك الخدمات، وفي هذا المقال نظرة عامة علي كيفية تسعير المقابل المادي لخدماتك علي الانترنت لأصحاب العمل الحر Freelancer.
قد يفيدك:
- نصائح في كتابة وارسال السيرة الذاتية للشركات
- 7 طرق لكسب المال من تطبيقات الموبايل
- 7 نصائح قبل العمل مع مواقع الفري لانسر العربية يجب ان تعرفها
- 8 استراتيجية تسويق تتبعها المتاجر الإلكترونية الناجحة
- تسويق: 5 أخطاء في التواصل مع العملاء على الإنترنت يجب ان تتجنبها
- تحميل كتاب ملخص استراتيجية البقرة البنفسجية لتسويق منتجك للعملاق سيث جودين PDF
مبدأيًا كده اللي بيخااااف يطلع برا، يعني خوفك من تسعير شغلك، أو من العميل لما تقوله شغلك أو من سوق العمل لو ثار عليك بعد ما سعرت شغلك فـ إنت محتاج تركز في البوست ده كويس جدًا جدًا.
سواء كنت ديزاينر، كونتنت كريتور، ويب دفلوبر، براند أيدنتتي ديزاينر، … أي حد شغال في الـ Creative Industry عمومًا فإليك الروشتة السحرية:
لو إنت بتكمل قراية عشان مستني أقولك أسعار تحت فمتكملش لأن مفيش أرقام هتتحط وده عشان الأرقام متغيرة بسبب عوامل كتير بس العوامل هي اللي ثابتة وهي اللي المفروض تكون وجهتك وإنت بتعمل تسعير لشغلك بس لو مصمم،
هقولك إننا من سنتين عملنا إحصائية للمجال عن مرتباته وأسعاره ممكن تساعدك:
facebook link
ماهي العوامل التي تتحكم في المقابل المادي لخدمات العمل الحر "التسعيرة"؟
رغم إن الطريقة دي مبقتش Valid "صالحة" زي الأول ومينفعش نخليها ثوابت في عالم متغير بيحكمه أسعار دولار متغيرة، اقتصاد متقلب، وسوق عايم.
فـ لو إنت بتشتغل فريلانسر في أي شغل ينفع تسعر القطعة الواحدة فيه/ فـ خليك معايا هقولك تعمل إيه:
التسعير بيتحكم بـ 8 عوامل:
- 1- موقعك الجغرافي
- 2- التكاليف
- 3- الربح
- 4- سعر السوق
- 5- مستوى مهاراتك وخبرتك
- 6- الخدمة المقدمة
- 7- العرض والطلب
- 8- مين عميلك؟
✦ موقعك الجغرافي:
للأسف لو إنت عايش في محافظة غير القاهرة هيحكمك قانون عجيب وهو إن أسعار المحافظات في شغل الـ Creative Industry أقل من القاهرة.
فـ لو ليك زميل عايش في القاهرة وإنت في محافظة تانية وإنتوا الإتنين بتشتغلوا نفس الشغلانة وعندكم نفس الخبرة متستغربش ومتقارنش لو لقيته بياخد أكتر منك لأنك مش هينفع تهرب من حقيقة غريبة زي دي.
تابع ⬅ افضل مواقع العمل الحر بديلة upwork , fiverr , freelance
✦ التكاليف:
مينفعش تسعر شغلك متجاهل التكاليف اللي هتتكلفها إنت من جيبك، زي:
النت اللي هتستخدمه.
اشتراكات برامج معينة في شغلك زي Shutterstock أو مواقع تانية بفلوس بتستخدمها وشغلك مينفعش يستغنى عنها.
لو هتشتغل في كافيه أو Co-working space وفيه فلوس بتتدفع على عدد الساعات أو Minimum charge حطها في حسبانك.
✦ الربح:
مش حسبت تكاليفك فوق؟ طيب احسب بقى أرباحك لما تحط سعر معين .. يعني اطرح التكاليف من الرقم وشوف الربح طلع كام الربح صافي خالص الـ Net مش الـ Gross وشوف هل مُرضي ليك ولا لأ.
أو ممكن تعمل حاجة تحط الأول الربح صافي ليك بعد ما ترتضيه بناءًا على العوامل الـ 8 كلهم وبعدين ضيف عليه التكاليف ويبقى ده سعرك في السوق للقطعة الواحدة ياريت متتجاهلش إنك بتحسب لبروجكت/ قطعة/ تصميم واحد عشان متجيش تقول النت بـ 200ج والبرنامج بـ 500 والمينمم اتشارج 150 وتطلع سعر القطعة الواحدة 1000ج مثلًا ..
لأ وزع اشتراك النت اللي بتدفعه في الشهر على شغلك لو بتخلص تصميم واحد في اليوم يبقى احسب اشتراك النت في اليوم كام واقسم لو تصميمين برضه اطرح واقسم لحد ما تجيب رقم Fair.
✦ سعر السوق:
متتجاهلش السوق كله فين، يعني اسأل في السوق بتاعك إيه رينج الأسعار، رايحة فين وتبدأ ازاي وأخرها إيه عشان متبقاش بتهاتي في وادي والسوق كله في وادي.
✦ مستوى مهاراتك وخبرتك:
معظمنا بيسعر شغله على المعيار ده وبس، يشوف خبرته قد إيه آه 3 سنين وعندي مهارات إيه .. آه بخلص الشغل بسرعة ويحط سعر!
خبرتك هي عامل مهم هو الأهم في كل العوامل بس مش الوحيد يعني لو هتحط سعرك بناءًا على مهاراتك وخبرتك يبقى ممكن يكون العامل ده 40% لوحده والباقي كله 60% بس مش 100%.
✦ الخدمة المقدمة:
يعني طبيعة الشغل نفسه، هتعمل POC ولا Script ولا لوجو ولا تصميم، ولا هتطور موقع؟
حددت طبيعة الشغل إيه؟ بتسأل نفسك كذا سؤال:
هل الشغل ده أنا عملت زيه قبل كده؟ ولا صناعة جديدة ومحتاجة بحث ضخم وتركيز مضاعف؟
عدلت تعديلات كتير؟ تستحق إني اطلب عليها فلوس ولا ده كان تعديل واحد وخلصت الحدوتة؟
البروجكت كبير خلاني اشتغل عليه اسبوع؟ ولا هو يدوب يوم كامل؟ طيب الاسبوع ده اشتغلته كله على البروجكت ده ولا عادي كنت بتقطع في الاسبوع مش مضغوط بس اللي عملته في اليوم ده يعادل الاسبوع لأنك ضغطت نفسك؟
كان الشغل Urgant العميل خلاني أأجل شغلي كله عشان أعمله عشان هيتسلم بكرة؟ ولا قالي الديدلاين لسه قدامك اسبوعين؟
✦العرض والطلب:
وهنا إنت بتشوف مين أكبر من مين، فلو العرض أكبر من الطلب فسعرك هيقل، والعكس صحيح.
وحاجة مهمة جدًا تحطها في اعتبارك، هي هل طبيعة شغلك ومهاراتك نادرة؟ بتشتغل مثلًا VFX أو Matte painting أو 3D Artist ولا مصمم جرافيك للسوشال ميديا؟
يعني طبيعة شغل متوفر منك ناس كتير ومجال متشبع ولا نادر والناس اللي شغالين فيه معروفين بالاسم؟ لأن لو إنت نادر سعرك هيعلى أكيد كتير.
✦ مين عميلك؟:
العميل اللي جايلك ده لسه Startup وبيعاني لسه في بداية البيزنس بتاعه، ولا Corporate كبيرة بقالها كذا سنة،
عميل يعتبر صديق ليك ولا حد متعرفوش نهائي
عميل تبع ناس أصدقاء ليك، ولا جايلك من Upwork أو لينكدان
العوامل دي لو طبقت كل واحدة فيهم لوحدها هتطلع بسعر مرضي ليك، ولو طبقتهم كلهم مع بعض هتطلع بسعر مرضي ليك وللعميل ولسوق العمل وللأمة كلها.
بس عشان متبقاش شخص strict أو صارم أوي وماشيها بالمسطرة وعشان احنا مش Robots لازم برضه تكون رحيم بالعملاء شوية، يعني لا بأس بقليل من الإستثناءات، زي:
اهم نصائح التعامل مع العملاء
- العميل لو اشتغلت معاه أكتر من مرة مينفعش كل مرة تديله سعر أول مرة، ده خلاص بقى زبونك زي ما بيقولوا ولازم يبقى ياخد Special Discount.
- لو عميل متمسك بيك وجاي على سمعتك وفعلًا مصمم عليك والعرض لطيف وهايل بس السعر أقل شوية أو شويتين متقولش أصل التكاليف أصل النت أصل مواصلاتي ومهاراتي، خلاص تنازل شوية في سبيل تمسك العميل بيك وثقته العالية في الشغل اللي هتخرجه.
- لو العرض اللي جالك هيديك Benefits أكتر بكتير من الفلوس متحبكهاش ولازم تفهم إن إنتصارك الحقيقي مش بس فلوس في منافع تانية مهمة جدًا يمكن أهم من الفلوس زي إن البورتفوليو بتاعك هيتقل بعد البروجكت ده، واسمك هيتعرف بعد البروجكت ده، واسمك هيتقرن بناس كان نفسك تشتغل معاهم، هتستفاد خبرة وتجربة مهمة هتعمل طفرة في كاريرك,
- واتعلم وسط كل ده امتى تختار تشتغل من غير فلوس خالص وهتستفاد إيه من ده! حسنات؟ مشاركات تطوعية تفيد المجتمع، مشاريع قومية هتفرق معاك وهكذا.
المقال من طرف: mediastaa
قد يهمك ايضآ:
- أكثر 12 كلمات تأثيراً في الحملات الإعلانية التي تساهم في اتخاذ قرار الشراء
- اثبات دفع بقيمة 10$ من موقع file-upload
- سؤال واجابة: انا مقدم خدمه في موقع خمسات ينفع الفلوس اللي بعت بيها اشتري بيها؟
- اثبات دفع من موقع RevenueHits رفينيوهتس بديل جوجل ادسنس
- ماهو cvc اللذى تحتاجه للشراء من الانترنت
- هل تعلم كيف تكتب وصفا مثاليا لمنتجك؟ إليك الخطوات