في قاعدة لطيفة في البيزنس بتقولك Don’t sell ice to Eskimos، يعني من
الآخر متروحش تبيع المية في حارة السقايين.. وده بالظبط كان حال دومينوز
بيتزا..
دومينوز بيتزا أعلنت امبارح رسمياً اغلاق آخر فرع من فروعها الـ 29 وافلاسها داخل إيطاليا والخروج من السوق الإيطالي تماماً بعد 7 سنين كاملة من الفشل، بعد مادخلت السوق الإيطالي لأول مرة في 2015.
السبب الرئيسي في
الفشل ده هو الارتباط الرهيب اللي عند الشعب الإيطالي بالأكل بتاعهم،
وتأصلهم يثقافتهم فيما يخص المطبخ الإيطالي، ودمينوز بيتزا بتعمل بيتزا
أمريكية، ودي مختلفة تماماً عن البيتزا الإيطالية الأصيلة اللي بتكون مكونة
من صوص طماطم فقط وموتزريلا.
البيتزا الأمريكية مشهورة
بمكوناتها الكتير المختلفة والصوصات والتوابل الكتير، لدرجة ان دومينوز
بيتزا اتجننت في مرة ونزلت بيتزا بصوص الاناناس في إيطاليا، وخدت تريقة لا
حصر لها على السوشيال ميديا هناك وسحبتها تماماً بعد كدة.
الحقيقة
انه من اليوم الأول اللي دومينوز بيتزا دخلت فيه إيطاليا والايطاليين
مكنوش متقبلينها نهائي لأنهم شايفين ان البيتزا الامريكية دي إهانة للبيتزا
بتاعتهم ولا تمت ليها بصلة، لدرجة انهم كانوا بيطلقوا عليها "القذارة
الأمريكية" وألقاب أبشع من كدة بمراحل.
الإيطاليين فعلاً كانوا واخدين الموضوع جد جداً والمساس بتقاليد البيتزا بتاعتهم خط أحمر.
في
النهاية دومينوز بيتزا فضلت مستمرة على الحال ده 7 سنين كاملة من 2015 لحد
انهاردة، وكان كل سنة يقفلوا كام فرع من فروعهم الـ 29 اللي فتحوها في
إيطاليا "كانوا داخلين بتقلهم جامد" لحد ما أعلنوا افلاسهم امبارح واغلاق
آخر فرع ليهم في إيطاليا مع ديون مقدرة بـ 10.9 مليون يورو!
وده يعلمنا ان قبل ماتدخل سوق لازم تكون دارس عملاءك الأول من كل النواحي، سلوكهم وعاداتهم وتقاليدهم وبيحبوا ايه ويكرهوا ايه ..
فمش عارفين بصراحة دومينوز بيتزا كانت بتراهن على ايه باللي عملته ده؟ وفي النهاية الرهان كان خسران أياً كان هو ايه.
#كرياتوفا
قد يهمك:
شركة Segway: عندما تتحدي اساسيات التسويق فتسقط
عندما تكون قوتك هي سبب افلاسك Munchery
كيف تعاملت شركة Johnson & Johnson مع اتهامات مقتل العملاء
دوت كوم: ازمة اقتصادية كادت ان تدمر أمازن
كيف قضت سياسات اوبر الاحتكارية علي خدمة أسطي في مصر وامثالها؟
هل ستكون نهاية موقع ساوندكلاود؟
الاستثمار بدون تخطيط: شركة Beepi من 560 مليون دولار الي البخس
185 مليون دولار في الهواء: عملية الاستثمار الاكثر غباء علي الاطلاق!
فن التسويق: كيف وصلت العلامة التجارية Supreme الي هذه المكانة